Niemeyer sphere

📜ታሪክን የኋሊት

👉ኦስካር ኒማየር 1907-2012 (እኤአ)

👊ኦስካር ኒማየር በአለም ስሙ የገነነ ለአንድመቶ አራት  ዓመት የኖረ ብራዚላዊ ህንጻ ነዳፊ ሲሆን ከ ለኮርቡዝዬ ጋር በኒውዮርክ የሚገኘውን የተባበሩት መንግስታት ዋና ጽህፈት ቤት  ነድፏል። አዲሲቱን የብራዚል ዋና ከተማ ብራዚልያም ከሉስዮ ኮስታ ጋር ነድፎታል። በ1988 እኤአ የፕሪትዚከር አሸናፊ የነበረው ኒማየር ለ78 ዓመታት ያህል ህንጻ የነደፈ ሲሆን በሰሜን እና ደቡብ አሜሪካ፣ በአውሮፓና እንዲሁም በአፍሪካ ወደ 600 የሚጠጉ ስራዎችን ገንብቷል።

🚧ኒማየር በንድፉ ሁሉ ክብን መስመር የሚጠቀም ሲሆን ስለንድፈ ሀሳቡም የሚከተለውን ብሎ ነበር።

🚧"በሰው የተፈጠሩ ጠንካራ እና የማይታጠፉ  ቀጥታ ማዕዘኖች ወይም  ቀጥታ መስመሮች አይማርኩኝም። በነጻ የሚፈሱ, ስሜታዊ ኩርባዎች ይስቡኛል።  እነዚህ ኩርባዎች በሀገሬ ተራሮች ፣ በዚያ የሚገኙ ጠመዝማዛዎቹ  ወንዞች፣ በውቅያኖስ ሞገዶች ውስጥ እና በተወዳጅ ሴት አካል ላይ ይገኛሉ። 

🚧ኩርባዎች መላውን አጽናፈ ሰማይ እንዲሁም የተጠማዘዘውን የአንስታይን  አጽናፈ ሰማይ ጠቅለለው ይይዛሉ" በማለት ለቀጥታ መስመር ያለውን ስሜት አልባነት እና ለክብና ኩርባ ያለውን ጥልቅ ፍቅር ገልጿል።

🌟ኒማየር ሉል (Niemeyer Sphere)

✨ኒማየር በህይወቱ መጨረሻ በ103 ዓመቱ የነደፈው "ኒማየር ሉል" በጀርመን ላይፕዚክ ከተማ ከኒማየር ህልፈት በኋላ በ2020 እኤአ  የተገነባ ንድፍ ነው።

🚧ይህ ንድፍ በአንድ የቆየ  ፋብሪካ ላይ የተቀጠለ የምግብ አዳራሽ ሲሆን 3 ሚሊዮን ዩሮ ያወጣ ስራ ነበር።

#Architecture

Via ዳዊት በንቲ

@etconp